E kainamu mai ana te Kirihimete me ngā hararei nui o te tau. Whai muri i ngā āhuatanga o te tau 2021, kei te titiro whakamua mātou ki ngā tākunetanga me te harikoa o te Kirihimete. Ko te Kirihimete tētahi o ngā wā tino hākoakoa o te tau, ā i te nuinga o te wā kua tupu te nui o te kai, te waipiro me te roanga o te pō.
He hua o te mōhio ki te nui o te kai kei runga i te pereti, engari me mātua mōhio hoki i te hononga i waenga i te ritenga kai me te hauora o te tangata. Ahakoa ia ko te whakangungu te mahi, te kounga o te moe rānei, te whakahaeretanga o te pōkaikaha rānei, ka whakaaweawetia koe i ēnei āhuatanga. Kua whakaritehia e mātou kia 5 ngā tīwhiri kia pai ai te noho o te whānau i te roanga o te Kirihimete, kia harikoa ai te noho tahi me te whānau me ngā hoa.
Whakaora i te tinana
He ngāwari noa iho te pukukai i te wā o te hararei, i ngā wā āhuareka e tino rangona ai e te kai. He ngāwari hoki te tīpoka i te kai parakuihi mehemea he kai nui kai mua i te aroaro, heoi ka whakakonukatia koe ki te horo kai. Ko te whakataunga ki te take nei ko te mātua mōhio ki ngā kai e kainga ana e koe i mua kē. Tīmatahia ki te parakuihi taiora pēnā ki te pereti kii ana ki te huapata me te pīnati pata. He nui te pūmua me te mōmona papai ō roto i te pīnati pata. Akene pea me kai kē i te kai nui, ā me kai huawhenua me te hummus. Mā te kai i ngā kai kua kōrerotia ake nei, kii ana ki ngā momo weu papai e whakakii ai te puku mo te roanga o te rā, ā ka kore hoki tōna matekai me te ruhi i te nui rawa o te kai.
Haere tonu te mahi
Me whakaarohia te kori tinana hei wā kia koe anō. Akene pea ehara tēnei i te mahi motuhake i te roanga o te hararei, hoe anō he pai ake te tūnga iti i te kore noa iho. Tīpakohia he nekenekehanga e kaingākautia ana e koe, he whakangūngūtanga i te kāinga nō te Youtube rānei, he hīkoi hāere rānei i ngā tiriti pātata rānei, he tākaro tahi ki waho me ngā tamariki. Ehara te korikori tinana i te whiunga mo te kai. He nui ngā patanga ki te tinana ā ka whakapakari ake hoki te hauora hinengaro.
Me tepe te nui o ngā pō roa
Ko ngā tikanga o te moe he tino motuhake mo te hauora o te hinengaro, no reira he mea nui te whai whakaaro ki te hōtaka o te moe i te wa hararei. Ko te moe i te aonga ake, ko te hāmoemoe rānei i te wā e mōhio ana koe ka roa te pō te huarahi e tika ai koe. Ka tika ngoi o te ngākau i ā koe e okioki ana.
Me inumia kia rahi te wai
I te wā e kaha inumia ana te waipiro, he ngāwari noa te whakataha i te wai māori. Inā rā e mahana haere ana te paemahana, me tika koe ki te inu wai. Ka pai ake rānei to whakanikoniko i te wai mā te konatu i te wai konupūmā pākawa waro me te rēmana, te kotakota me ētehi atu huarākau hei kīnaki.
Me pārekareka te toro atu ki ō whānau me ō hoa
Kua akona e mātou i ēnei tau e rua kua taha ake nei te ahureitangao o te honohono ki te pāpori. Kua tahi tau te roa i noho te whenua i te āhuatanga haurokuroku me ōna wā e noho taratahi ana. Me tika kia whakatā ai tātou katoa.
Me tika koe ki te whakakapi i tō mātakitaki i ngā hōtaka tuku taipitopito kōrero, i te pae pāpāho pāpori, i ngā kōrero katoa rānei ō runga i te ipurangi, kia tau ai te mauri ā kia noho puku koe ki te hunga e karapoti nei i a koe. Me whakaāhei koe i a koe anō ki te ngahau atu ki ō hoa me ō whānau.
Kia maumahara, kāre he take o tō noho paruhi. Me pārekareka katoa te wā o te hararei, ngā kai, te inu waipiro, me te whakarite i ngā whāinga e ū mai te angitu ki a koe. Me kore rawa koe e pākatokato, he āpiti noa tēnā ki te pōkaikaha o te whatumanawa me ngā āwangawanga hoki. Mehemea e pīrangi ana koe ki te kōrero tahi me te rata i ēnei āhuatanga hēmanawa, tēnā whakapā mai ki (07) 347 7537, ka tāpuitia rānei he whakaritenga ki te pae tukutuku.
