Tō mātou Tīma

Te toto o te tangata, he kai; te oranga o te tangata, he whenua  

Ko ngā mātua o Anna he tangata e whakapono ana ki ngā mātāpono o te noho manene. Inā te maha o ngā tāone i nōhia ai e Anna nōna e tamariki ana, huri tonu i Ahitereiria, Aotearoa me tāwāhi tonu. I whakapōtaetia a Anna ki ngā mahi rongoā i te tau 2015, nā konā ia whai wāhi atu ki ngā tōpito katoa o Aotearoa ki te manaaki tangata. Nō nā tata nei ia mahi ai ki te takiwā o Ruapehu, he wā hoki ki Whaingaroa, Kaitaia me Whāngārei.

Kei te mahi a Anna ki ngā mahi matua o te rongoā iaianei, ā, e hiamo ana ia ki te whai i ngā āheinga o te mahi rongoā nei, pēnā i te tū hei māngai mo ngā tūroro me ō rātou whānau. Kei te hihiri a Anna me tōna hoa rangatira ki te hūnuku ki Rotorua, ahakoa i noho mai rāua ki konei i ngā wā ō mua. E kaingākau ana a Anna ki te eke paihikara, ki te retireti hukarere me te noho ki tōnā whānau taha.

I tīmata a Athena hei mema o te roopu o Ranolf i te tau 2014, me tana whakauruuru atu ki te Roopu Poka 10. Whai muri i te haratau nēhi ki Waiariki, ka mahi ia ki te hōhipera o Taumarunui, nā wai, ki te hōhipera o Rotorua. Te huhua o ngā wheakoranga rerekē ka tutukihia e ia, tae ana ki ngā mahi poka, te whakatika i ngā kōiwi kua hape, te atawhaitanga o ngā māmā me ngā piripoho, me te wāhanga whāomoomo. Koni atu i te 10 tau a Athena e mahi nēhi ana mo ngā takuta.

Ko tana tino kōingo i roto i ngā mahi tākutatanga he mea i pupū ake i te nui o ngā wāhine iho pūmanawa i whakapuāwai i a ia. Ko te kuia me te whaea a Athena he nēhi i ōna rā, ā, i rata ia ki ngā mahi whakaharatau tākuta kia pai ai tana whakawhanake i āna piringa ki āna kiritaki.

I tupu mai a Ben ki waho atu o Birmingham i Peretānia i mua i tana hūnuku ki Sheffield ki te ako i ngā mahi rongoā. Whai muri i tana whakapōtaetanga i te tau 2011, ka pahure i a ia tana mahi whakaharatau nōna e mahi ana ki rō hōhipera. Kātahi ka timata tana whai atu i te mahi tākuta. Ka mutu ana tērā mahi ki Sheffield, ka hūnuku mai rāua tahi ko tana makau a Lauren (he tākuta anō) ki Aotearoa nei. 

Ka tae mai rāua i te tau 2018, ā, tē aro whakamuri ki te wā kāinga, na te rerehua o ngā ngāhere, ngā roto me ngā painga katoa o te wāhi nei. E kaingākau nui ana a Ben ki te eke paihikara me ngā mahi omaoma o te motu pēnei i te oma taumano o Taupō me XTERRAS. I whānau mai tā rāua tamāhine i te tau 2021.

I whānau mai a Bibiana ki Colombia, heoi i tupu ake ia ki Aotearoa nei. Ka noho ia ki Tāmaki-makau-rau mo te roanga o te wā i mua i tana hūnukutanga mai ki Rotorua me tana tamaiti.

Ka pahure i a ia tana Tohu Paetahi o te Nēhitanga i te tau 2020, ā taro ake ka tutuki i a ia te tiwhikete ki ngā mātauranga mātanga o te Nēhi. I te whakapōtaetanga ka wātea ki a ia te mahi ki Te Whatu Ora – Ki te Hōhipera o Ngā Roto Moana ki te tari Gynaecology, i reira whakawhānui ai i te mātauranga ki ngā pūkenga o te tākuta, me te whai wāhi ki ngā mahi manaaki i te tangata i mua i te pokanga ā muri hoki. Nōna e mahi ana ki tētahi hōhipera tuarua ka whakaohoohotia tōna ngākau ki te whai i te tūranga Nēhi tūmatanui, na te awhero nui ki te whakawhanake i te oranga ngākau o te hāpori.

I ōna wā whakatā, e rata ana ki a ia te whai wāhi ki tāhaki o ngā roto i te wā o te Raumati, i te Hōtoke kei ngā ngāwha ia e pāinaina ana, me te manea hoki i te wā ka toro atu ki ngā whare kai o Rotorua.

I tīmata mai te mahi a Caerlie ki te whare tākuta o Ranolf i te tau 2014, ā, he nui katoa ōna wheakoranga. I tīmata ai tana whakangūngū tākutatanga i te tau 2005. I mua tata tonu i tana tūranga hei Tauira Nēhi , ka mahi ia ki ngā hōhipera o Waikato me Tauranga, me te mahi hoki ki te hōhipera o Rānana. Waihoki, ka mau e ia he tūranga hautūtanga ki te roopu tākutatanga o Tāmaki Makaurau, ā, ka mahi tahi ia me te Poari Hauora ā rohe ki whakawhanake i ngā ratonga.

He Mātanga tapuhi a Caerlie, ā, ka pahure i a ia te tohu paerua mo ngā mahi nēhi i te tau 2011.

E kaingākautia ana e Caerlie te mahi tahi me te tīma whakangūngū tākutatanga, te tūtaki atu ki ngā ahurea rerekē me te whakawhanake i ngā hononga ki ngā tūroro me ō rātou whānau.

Kei te mahi a Carina hei kaituku rongoā ki te tākuta o Ranolf, ā e mahi tahi ana ia me te Whare Hauora o Ranolf hei Kaihautu tuku rongoā. Mā roto mai i ēnei mahi ka taunaki ia i ngā tūroro ki ngā rongoā e tika ana mā rātou, ā, i ōna wā he mahi whakaako i te tūroro e pēhea ai te whakamahi i ngā taputapu rongoā me ngā tohutohu katoa.

I a ia e wātea ana, he mea pārekareka ki a ia te retireti wai ki ngā roto huhua o Rotorua nui a Kahu.

Ko Charlotte te rangatira me te kaiwhakahaere o te whare rongoā o Ranolf, waihoki ka mahi tahi ia me te Whare Hauora o Ranolf hei tākuta tuku rongoā. Me te aha, ka paheko ia ki te mahi tahi me ngā tākuta o Ranolf ki te whakatau i ngā take rongoā kia tarea ai ngā tākuta ki te arotahi ki ngā wāhi e tino hiahiatia ana. I tua atu i tēnā, ka warea kē te hunga tuku rongoā nei ki te whakatikatika i ngā hiahia rongoā o te hunga tūroro.

He pai ki a ia te omaoma i roto i te wao tapu nui a Tāne ki Te Whakarewarewa me te noho tahi ki tōna whānau i ōna wā wātea.

I hono mai a Cherie ki tō mātou tīma i te tau 2002, ā, i tamō ia i te mahi ki te whakawhānau tamariki me te noho atu ki Waikato i mua i te hokinga mai.

E manahau ana ia ki te noho pātata atu ki te Ngāhere o Te Whakarewarewa me ngā roto anō hoki. E rata ana ia ki te mahi hamanga noa ā e rika ana ia ki te whakatō māra kai me te kai hauora.

Tēnā koa whakapā mai ki a mātou ki te uiui tahi ki ā mātou Nēhi whakangungu.

Ko Chrissy to mātou āpiha Tautoko Pūtea me te Pakihi i te Whare Hauora o Ranolf. He maha ngā wheako mahi a ia mo te manaaki manuhiri ka mutu i whakahaere ia i tōna ake toa kawhe i Whangārei.

Ko ngā tāngata, te taiao, te whakahoahoa me te mahi tahi ki Ranolf e whakangāwari ai te haere mai ki te mahi, ā, kore rawa a Chrissy e manako ana ki te mawehe atu i te Pokapū hauora, ahakoa kua oti i a ia āna mahi kaiako.

Kei te noho tahi ia me tana hoa rangatira me ana kōtiro ataahua e rua, ā, ko tētahi e tino warea ana ki te poiwhana. He hangareka ki a Chrissy kei ana kōtiro te tini o ngā kerēme ACC!

Mutu ana taku noho ki Ahitereiria mahi ana i te ao hopu whakaahua mo ngā tau e 4, ka hūnuku atu au ki Ūropi mo ngā tau e 3 ki te āwhina i ōku hoa ki te whakarewa i ō tā rātou pakihi hopu whakaahua. E tino kaingākautia ana e au te āmio whenua me te hopu whakaahua.

I te mutunga o te tau 2017, ka hūnuku mai au ki Aotearoa kātahi ka toko ake te whakaaro ki te whai i tētahi ara hou, āra te mahi i te ao rongoā.

Ko te ako i ngā rongoā rerekē he marau i tino whāia nuitia e au me te āwhina i ngā tāngata anō hoki. Koia au e hīkaka nei ki te paheko atu ki te tīma papai o Ranolf. 

I aku wā wātea, mēnā kāre au i waho hopu ana i ngā rerehuatanga o te whenua, ka kite koe i ahau me aku hoiho e noho tahi ana rānei ki tōku whānau.

I whakatipua a Dane i Tauranga i mua i tana neke ki Tamaki Makaurau ki reira ako ai i te haumanu korikori tinana, katahi ka whakamutu ia i tana tohu rongoā.

I hūnuku raua ko tana hoa rangatira ki Rotorua i te tau 2016, ka mutu e tino harikoa ana rāua ko Rotorua hei kāinga mā rāua. I oti i a Dane te maha o ngā momo hurihanga mahi i te hōhipera o Rotorua i roto i ngā tau e whā i mua i tana taunga ki te whakangūngū Whānui hei mahi māna.

I mua he tangata kaingākau ki te tākaro kirikiti, heoi anō kua warea kē a Dane ki tana whānau taiohi me te tirotiro ki ngā hua katoa o tēnei rohe.

I uru atu a Esmeralda ki te kapa Ranolf i te tau 2014 whai muri i te hanumitanga me Roopu Poka 10, ā, i mahi ai ia mo te 10 tau neke atu.

Ka ngata te hiahia i te pukumahi o ōna mahi rongoā, ā, e tino whakapono ana ia ki te kīanga "he rā pukumahi, he ngākau pukumahi, he tinana hauora." He pai ki a Esmeralda te whakahoahoa ki ōna hoa mahi me te whakawhanake i ngā hononga mahi ki ngā tūroro.

E aroha ana a Esmeralda ki tāone o Rotorua, ā e kaingākau ana ia ki te hīkoi ngahere i te rohe me tana kurī a Spunky. Tokotoru ana tamariki pakeke, a kua whakawhiwhia hoki ia ki ngā mokopuna waiwaiā e toru.

Tēnā Tātou Katoa - Kia Orana Kotou Kātoatoa,
He uri tēnei nō Ngāti Whakaue, Ngāti Rangiwewehi (Te Arawa),
Ngāti Raukawa, Ngāti Haua (Tainui),
Ngāti Rupe, Ngāti Ngarue (Rarotonga) me Ngāti Tepaki (Aitutaki).

Tekau tau i mahi a Geoff ki te New Zealand AIDS Foundation hei Kaiwhakatairanga/Kaiwhakaako i ngā mahi Hauora me tā rātou kaupapa Māori, Hau Ora Takatāpui.

Ko tana mahi ko te whakaako i te whanau me te hāpori whānui e pā ana ki ngā māuiuitanga HIV me te mate ārai kore, te takatāpuitanga me ngā pānga kino o te poapoataunu, te whakahāwea, me te mae takatāpui ki te hauora torowhānui o te tangata.

I te tau 2013 i tutuki pai a Geoff i tana Tohu Paetahi Nēhi mai i te Whare Takiura o Waikato (Wintec).

I te mea kua rēhitatia ia hei nēhi, kua oti i a ia te mahi ki ngā wāhi ara poutama, te hauora hinengaro, te hauora o te hāpori me te hauora Māori

E titikaha ana a Geoff ki te whakapiki ake i ngā putanga hauora o te iwi Māori me ngā iwi o te Moana nui a Kiwa.

Glenn joined us in October 2023 from Papamoa Pines Medical Centre. He brings with him many years of leadership experience, most of which were spent in the Optical industry as a manager and Director (around 25 years). A qualified Dispensing Optician, his desire to learn and grow is central to his role. 

Originally from the UK, Glenn and his wife Lucy share a blended family of 4 children; 3 boys and 1 girl. This busy home life means that Glenn loves to spend time out and about with the kids (and his parents too when possible), creating memories and enjoying the energy. Downtime is usually spent with Lucy finding anywhere quiet and peaceful – preferably warm and scenic. 

I tupu ake a Hayley ki Rotorua. Ka noho ia ki Ahitereiria mahi ai mo tetahi wā, na wai rā ka kanokanoā ia ki tana hāpori o te wā kāinga, ka hoki mai ia ki Rotorua ki tana whānau me ōna hoa anō hoki.

Inā tata nei kuhu atu ai a Hayley ki te akomanga Taumata 2 o te Reo Māori ki Toi Ohomai, ā, e hikaka ana ia ki te noho rūmaki i te reo Māori i a ia e mahi ana ki ngā tūroro me ngā kaimahi.

Ko te whānau te motuhaketanga o tōna ao, ā, e kaingākau ana ia ki te toro atu ki tātahi ki te toro atu ki ōna hoa rānei.

I uru atu a Jemma ki te Whare tākuta o Ranolf i te tau 2009 hei Tauira Nēhi, whai muri i tana whiwhinga mai i te Whare Takiura o Waiariki.

I tōia mai ia ki ngā mahi nēhi hei tiaki tangata me te whai wāhi ki tētahi tūmomo ratonga e tino hiahiatia ana e te hāpori.

E mihi ana ia mo tana tūranga tuatahi hei nēhi ki tētahi roopu whakamīharo e nanaiore ana ki te kawe i te manaakitanga kounga mō ō rātou tūroro.

I ōna wā okioki ka manahau ia ki ngā hua o te taiao– eke hukarere mai i te takurua, papa retireti mai rānei i te raumati.

Kua roa te wā a Jennifer e manako ana ki ngā mahi nēhi, nā wai ka tīmata tana whakangūngū i muri tonu mai i te wharekura, nā ka haere ia ki te Whare Takiura o Waiariki.

I tīmata tana mahi hei nēhi hāparapara i te hōhipera o Rotorua, i reira akorangia ai te rahi o te mōhiotanga. Heoi anō, ko te mahi nēhi te mea e kaingākautia ana e ia nā te mea ka taea e ia te whakawhanake i ngā hononga ki ngā tūroro me ō rātou whānau. E tino harikoa ana ia ki te mahi mo te Whare Hauora o Ranolf.

I puta te ihu a Jo i te Whare Wānanga o Otago i te tau 2002, a, kua whai wheako rongoā ia i konei me tāwāhi e mahi ana i ngā hōhipera, i te mātai mate pukupuku me ngā mahi tākutatanga whānui.

I te tuatahi i wawatahia a Jo kia noho hei takawaenga kāwanatanga, me te aha ka akona e ia ngā reo e toru i te kura, engari i te mutunga kē mai ka whai ia i ngā tapuwae o ōna mātua ā ka noho hei tākuta.

I whanau ia i Rotorua, ā he kaitākuta whānui ia mai i te tau 2008 ā moroki noa nei, ka mutu e rata ana ia ki te āhua noho o tēnei mahi. He manako nui tāna ki ngā mahi whakamāhere whanau.

Josephine has lived half her life in Whakatane and the other half in Rotorua. She has worked in customer service for several years and really enjoys building relationships with people from all walks of life. Her spare time is spent with family going on all sorts of fun adventures. Time at the beach fishing and lighting a good fire to cook dinner being one of her favorites.

He uri au nō Te Arawa me Te Aitanga-a-Mahaki.

Ko te mema hou tēnei ki tō mātou tīma nēhi i Ranolf. whakangungua ai a Kath hei nēhi i Waiariki ki te Tohu paetahi Nēhi i Rotorua nei, kua mōhiotia ināianei ki te Toi Ohomai, ā, i whakaoti hoki i te tohu paerunga tītohu mō te Health Science in Advanced Nursing i te Whare Wānanga o Tāmaki Makaurau i te tau 2018. He tītohu hoki tōna mō te Strategic Leadership, he tītohu mō Te Ara Reo, ā, e ako ana ia i te tohu paerua mō te ara Nurse Practitioner.

Ko tōna kuia kē te take i whāia nei e ia tēnei huarahi te mahi nēhī, ā, he huarahi tēnei e kore rawa ia e whakarere.

E kaingākau ana ia ki tōna āo Māori, ki te hauora, te kounga me ngā ritenga mō te hunga noho i taiwhenua, ā, ki te tautoko hoki i a wai ake e āhei ai rātou tō rātou ake oranga te whakahaere mō ngā taumahatanga ka roa pea te pātanga atu.

hāunga te mahi, e rawe ana hoki ki a ia te hīkoi, te peita, te whutupōro te netipōro me te noho tahi ki tōna whānau me āna mokopuna pīwari e 4.

He nui tā Laura tautoko i ngā tini mahi whakahaere i roto i tē tākutatanga nei. E 19 ōna pakeke ka tīmata tana mahi ki te tākuta o Ranolf hei kaitautoko o te tari. Nā wai rā, ko tōna māia me te kanohi hōmiromiro i kopoua nei ia hei kaimahi pūmau ki te tūranga whakahaere mo te tari. I te mea he whānau tōna ināianei ka mutu tōna mahi i ōna wā ā ka hokihoki mai i ōna wā. Whai muri i te whānautanga o tana tamāhine ka hoki ia ki te mahi hamanga noa hei kaitautoko i ngā kaupapa mahi. Nā wai rā, ka ngahoro i a ia tana mahi i te whānautanga mai o tana tamaiti, heoi anō kua hoki mai ia ki tana mahi hei Roopu whakahaere.

E kaingākautia ana e ia āna mahi taunaki i te whare tākuta nei, waihoki, anō nei ko ngā kaimahi katoa he whānau ki a ia, e aroha nuitia ana e ia.

I whānau mai ā i tupu mai ia ki Rotorua nei, ā, he parekareka te noho o tōna whānau ki Rotorua nei, ina rā he wāhi papai tēnei hei whakatupu i ā rāua tamariki. Ko ngā mahi runaruna he eke paihikaha ki te nehenehe o Te Whakarewarewa, ā, ko ngā wā whānau he hāereere ki ngā whaitua o te tāone te karawhiu, pēnei me te retiwai me te retireti hukarere.

Kei te mahi a Manawa hei kaituku rongoā ki te tākuta o Ranolf, ā e mahi tahi ana ia me te Whare Hauora o Ranolf hei Kaihautu tuku rongoā. Ma tēnei mahi ka taea e ia te tautoko i ō tātou tūroro me a rātou rongoā ma te mahi tahi me ngā kaitoro ki te arotau i te whakamahinga rongoā - ka huri te aro ki te tuku mātauranga me te whakamahinga o ngā taputapu.

I a ia e wātea ana, he pai ki a ia te eke paihikara maunga, te hīkoi me te noho tahi me ōna hoa, whānau anō hoki.

Ko Matawhaura te Maunga
Ko Te Rotoiti I kite-ai-a-Ihenga te roto
Ko Arawa te waka
Ko Ngati Pikiao te iwi
Ko Ngati Tamateatutahi me Ngati Kawiti nga hapu
Ko Tapuaeharuru te marae
Ko Michael Grant toku ingoa

I ako a Michael i te haumanu korikori nōna i Te Wānanga Aronui o Tāmaki Mākaurau, mai i reira ka hūnuku ia ki Waipapa Taumata Rau ki te ako i te rongoā.

Mutu ana ngā akoako ka mahi ia i te hōhipera o Waikato mai i reira ka mahi tākuta parākatihi ia. Kua nui ōna wheakoranga i roto i ngā tau, ko te pīnakitanga ki ēnā wheakoranga ko tāna hūnuku atu (e whā ngā tau ki muri) ki Rotorua kia tata ake ai ki tōna whānau

I waho i te mahi, ko te whānau me te hākinakina ngā pārekarekatanga e kitea ai te kauhanga nui i waenganui i te mahi me te oranga tangata.

Mai anō i te tau 1981 a Mike e mahi ana i Ranolf nei. Nā tōna kaingākau ki te General Practice me tōna hiahia ki te nuku mai i te tāone i whāia nei e ia ēnei mahi. He GP anō hoki tōna hoa wahine, a Leonie Sinclair, ā, i kōwhiria e rāua a Rotorua hei nohoanga mō rāua i te mea o ngā tini mahi pārekareka ō-waho e taea ana, pēnā me te heke māunga mā runga pahikara me te heke māunga hukapapa.

E whakamoemiti nei anō ana ia mō ngā wheakoranga nei i te mea o tōna whai wāhitanga ki te huri i te mahi nei ki te mahi e mahia ana i ēnei rangi nei. He ahakoa e 35 ngā tau ia e mahi ana, kāore tonu hoki ia e mate i te whanowhanoā.

I ngā wā kāore ia e whakatere ana i ngā ara o te ngāhere, i te heke rānei i ngā māunga hukapapa i te takurua, kei te oma, kei te heke ngaru, kei te āmio whenua ia.

Ringi mai ki te Ranolf Medical Centre mēnā kei te hiahiatia he uiuinga ki a Tākuta Mike Newman.

I whānau mai a Nancy i te UK, heoi kua 30 tau ia e noho nei i Āotearoa nei. kua mahi harangotengote nei ia hei GP i Tāmaki me Rotorua mai anō i te tau 1994.

Whai muri i te whānautanga mai o tāna tamaiti tuawhā ka aro kē atu a Nancy ki te mahi i te taha o ngā Wāhine me te Hauora Rangatahi. Nāna te Whare Haumanu Rotorua Contraception i whakahaere mō ngā tau e 16 i a ia e mahi ana hoki i te Rotovegas Youth Health, ā, he whakariterite i ngā whare haumanu GP i roto i ō Rotorua wharekura hoki tētahi o āna mahi.

E koa ana te ngākau a Nancy e whai wāhi mai ana ia ki te tīma nei i te Ranolf Medical Centre, ki reira hoatu ai i tōna wā ki te āwhina i ngā āhuatanga katoa e hāngai ana ki te hauora o te wahine me te hauora anō hoki o te rangatahi.

katahi anō a Natalie ka whai wāhi mai ki te rōpū o Ranolf, ā, e koa kau ana ia i te mea o tōna tūranga hou hei Primary Care Assistant. Kaitautoko Haumaru Matua

Kua mahi hoki ia hei GP i ngā whare haumanu i Tāmaki Makaurau me Te Matau a Māui, ā, i nā tata nei ko te wāhanga auputa tūroro o te hōhipera.

I whānau mai i te UK, 18 marama ki muri ka hūnuku mai a Natalie ki Rotorua nei; E rekareka ana ki a ia ko ngā roto me ngā ngāhere, ā, e mōhio ana ia ki tōna waimarie i te tini o ngā wāhi ataahua o koneki.

Hei whakapārekareka mai nei i a ia, ko āna mahi he hīkoi tahi ki tāna kurī, he pānui, he āmio whenua, he yoga anō hoki.

E 12 ngā tau a Rebecca e kura māhita ana i ngā kōhanga, mai i reira ka panoni āna mahi, katahi ia ka uru atu ki te rōpū o te Whare Tākuta o Ranolf i te tau 2019.

Rawe ki a ia te tūtakitaki tāngata kāore anō kia tūtaki, waihoki, he rawe ki a ia te ako i ngā mahi hou me te noho pukumahi i roto i āna mahi.

I ngā e wātea ana noho tahi ai ia ki āna tamariki me tōna whānau.

I uru mai a Ros ki te Whare Tākuta o Ranolf i ngā tau 30 ki muri hei kaiwhakawhānau pēpi, ā, hei nēhi whakangungu anō hoki. I te tau 2016 ka oti i a ia tōna tohu paerua mō te Advanced Clinical Nursing, katahi ia ka mahi hei Mātanga tapuhi.

Kua hau te rongo mō tōna rangatiratanga i roto i te ahumahi nei, ā, kua tini āna mahi mō te hapori me te kāwanatanga anō hoki.

Mai anō a Ros e ngare ana kia tū ai ia hei māmā, hei nēhi anō hoki (e ai hoki ki tēnā whakapaparanga). Nā te mea he tangata manaaki, he tangata tiaki ia i whakaaaro ai ia kia whāia nei te mahi nēhi kia whakarauora anō ia i ngā tāngata kei raro i te kapua pōuri.

Rawe nei ki a Ros te mahi i roto i te taiao e kaha tautokona ana ia, e kaha whakamatua nei hoki i te manaakitanga ki tōna keo.

Ki te kōrero ki tētahi o ngā nēhi o te Whare Tākuta nei o Ranolf, tēnā, whakapā mai ki a mātou.

2018 te tau i tīmata a Rossana i te Whare Tākuta o Ranolf. Kua tekau tau ia e mahi ana i roto i te ahumahi nei, mai i Horowhenua ki Tāmaki Makaurau, atu ki Ahitereiria me Rotorua hoki. Hāunga te whakangungu Nēhi, i te Hōhipera o Pōneke ia e mahi ana hei ākonga, waihoki, e 6 marama ia e mahi ana i Rānana, i Watford me Ingārangi i a ia e āmio whenua ana.

whakapōtaetia ai a Rosanna ki te tohu paerua i te tau 2015. He nēhi hoatu rongoā ia.

E rekareka nei a Rossana ki āna mahi i te mea he tūtakitaki tangata te mahi, he tautoko i a rātou kia whakatutuki i ō rātou whāinga anō hoki te mahi. He rawe hoki ki a ia te mahinga tākuta i te mea ka tautokona e ia ngā tini pakeketanga me ngā tini pānga hauora.

I ngā wā wātea whai wāhi ai ia ki ngā roto o Rotorua me te heke maunga mā runga pahikara/ara-hīkoi.

tēnā wāea mai ki te Whare Tākuta o Ranolf ki te kōrero mai ki tētahi o ngā kaimahi Nēhi.

Kua nui atu i te 20 tau a Sharon i roto i te Mahinga Tākuta. I tae mai ia ki Rotorua mō te tau kotahi, ā, kāore anō ia kia wehe. I mahi a Sharon i te Hōhipera o Rotorua mō ētahi tau rurua nei, mai i reira tīmata ai tana whakangungu hei Mahinga Tākuta i Rotorua nei.

Ko tōna aroha nui ki āna tamariki i tō mai i a ia ki ēnei mahi nei. I hiahia kē ia te mahi māhita, heoi i ērā wā rā kāore i nui ngā mahi, nōreira ia i kōwhiri ai i tēnei ahumahi hei mahi māna. Ko te mātaiarotamariki me te hauora wahine tōna aronga matua.

He rawe ki a Sharon te mahi i te Whare Tākuta o Ranolf i te taha o tētahi rāngai manaaki, i tētahi rāngai tino pūkenga.

I waho i te mahi ko ngā roto me ngā ngāhere i te putanga o tōna whare ngā mahi kaingākau ki a ia.

Whakapā mai ki au ki a Tākuta Sharon Lovegrove mā te Whare Tākuta o Ranolf

Ko Sharon te rangatira o te rāngai whakatau manuhiri i te Whare Tākuta nei o Ranolf. I te mea o tōna wairua ngākau mahana, me ōna wheakoranga i roto i te mahi pēke me te Lakes Primecare i mōhio ai ia me pēhea e ngāwariwari ai te haere o ngā mahi o te rā.

He pārekareka ēnei mahi ki a ia, inā rā, ko te manaaki tangata te matua. Ko te whanaungatanga me te whakangāhau hoki i waenganui i ngā hoa kaimahi i hāneanea ai te noho i koneki.

He "tuahangata" tōna hoarangatira, e toru rawa ā rāua tamariki, ā, e pārekareka ana ki a Sharon te whakaparuparu i ōna ringaringa mā te keri māra me te mahi i ngā mahi i te kāinga.

He uri tenei no Ngati Kahungunu, no Ngai Tuhoe me Te Arawa

I whakapōtaetia a Sonia i Te Whare Wānanga o Awanuiarangi i Whakatāne ki te Tohu Paetahi mō te Pūtaiao Hauora/Nēhi. He Tohu Paetahi hoki tōna mō te Pūtaiao Pāpori e ako pū ana i ngā Akoako Mātauranga mai i Te Whare Wānanga o Waikato, ā, kua whiwhi hoki ia i te tohu Ngā Manukura o Āpōpō.

Kua roa ia e kaingākau ana ki te Hauora, inā rā te Hauora Matua, waihoki, e whakapono nei ia mā te Hauora Matua e kite ai i te pikinga o te hauora o Aotearoa whānui. Me te whakaheke hoki i ngā ritenga hauora i waenganui i ngā tini momo tāngata.

E kaingākau ana hoki ia ki te hauora o te iwi Māori, ā, ka nui tōna koa e mahi tahi ana ia ki ngā mātauranga o te ahumahi hauora i Ranolf.

Ko tōna whānu, ōna hoa, te kapahaka, te Ao Māori, te āmio whenua me te mātauranga ngā tino mahi pārekareka ki a Sonia.

Hutia te rito o te harakeke, kei hea te komako e ko? Ki mai ki ahau, he aha te mea nui i tenei Ao? Maku e ki atu, he tangata, he tangata, he tangata.

Whai muri i ngā tau e 15 e mahi ana i ngā mahi manaakitanga, ka wehe atu a Tom i te ahumahi rā ki te whai wāhi atu ki tētahi mahi rerekē. E whitawhita ana ia ki ngā whakatara kei mua i te aroaro e hāngai ana ki te mahi hauora nei.

I te wā o te raumati, ka kite koe i a ia e tākaro kirikiti ana ki te tātāwhainga ā rohe mo ngā pakihi.

Ko te hākoke haere me te āmio whenua ētehi o ngā mahi a Tom me tōna hoa rangatira, inarā hoki, kātahi anō rāua kia mārena. Ko te toro atu ki tāhaki rānei ki te roto rānei ētahi o ngā mahi e kaingākautia ana e ia. Kua mātau ia ki te taka kai ā e hiamo ana ia ki te whakahoahoa atu ki ngā kaimahi hou me ngā āheinga o te mahi haoura nei.

Ko Trish tētahi o ā mātou Kaiwhakatau manuhiri me tana kaha ki te whakatau i ngā manuhiri o te tākuta o Ranolf. Ko te kounga o te āhua tāna e whai ai i ia rā, i ia rā. Kua mātau hoki ia ki te whakararata atu ki te manuhiri, nā tēnā kua manea kē te noho o ngā tūroro me ngā kaimahi o te wāhi nei. I waho atu i te mahi, e ngākaunui ana a Trish ki te toro atu ki tōna whānau me te mahi māra hoki.

Ko Maouo tōku maunga

Ko tauranga tōku moana

Ko Te Whānau a tauwhao tōku hapū

Ko Ngāi Te Rangi tōku iwi

Ko Otawhiwhi tōku marae

No Bowentown Ahau

Kei Rotorua tōku kainga inaianei

Ko Tyson Eruera Ball tōku ingoa

I tupu ake au ki tō mātou ipukarea ki Bowentown āhua pātata atu ki te marae. I konā ka hūnuku ahau ki Kirikiriroa mo te kura, i reira tūtaki ai ki tētahi tangata i whāki mai i tētahi āheitanga papai rawa. I whakatenatenahia au kia haere ki te whare wānanga whai muri i te wharanga o taku whatinga raparapa i te tākaro whutupōro rīki.

I taku wehenga atu ki te Whare wānanga o Ōtepoti, ka toko ake te whakaaro ki te ako i te rongoā, ki te whakakore hoki i te hurihanga kikino o te whānau, ka mutu ki te whakahihiko i aku tāina ki te whai i te pae tawhiti.

I te mea he tākuta Maori ahau na te whakaaweawe o tētahi i te papa hākinakina, e kaingākau ana ahau ki te hautū i tēnei kaupapa whakamua. E kaingākau nui ana ahau ki te whakawhanaketanga o te rangatahi me ngā tini āheinga ki a rātou. Ma te noho hei tākuta Māori ka tarea e au te tuku āwhina ki te hunga mātātahi o te hāpori ki ngā āhuatanga e tika ana i tēnei ao.

Katahi anō māua ko taku makau kia hūnuku mai ki Rotorua nei i te timatanga o te tau 2022, ka mutu ko te manako ka manea tā māua noho mai. I aku wā watea ka kite koe i ahau e whara ana i te ngana ki te purei rīki, i muri rānei i te kāmera ki te hopu whakaahua o taku whānau me oku hoa.

Neke atu i te 25 tau a Zita e mahi ana hei nēhi, inarā hoki, ki ngā mahi whakahaumanu hinengaro, ā, e mahi ana hoki ia ki te Whare Hauora o Ranolf hei Mātanga whanake hauora. Ko tēnei mahi he tuku āwhina ki ngā kōnekeneketanga o te whanonga o te tangata, kia pai ake ai te hauora me te oranga. Kei roto i ngā reanga katoa me ngā take hauora.

Kua roa kē ngā tau a Zita e mahi ana ki tēnei tūranga i tana orokohanga mai i Rotorua i te marama o Hune 2020. He tangata ngākau a Zita, ā, e harikoa ana ia ki te whakarongo me te aronui ki ngā tūroro e noho nonoke ana.

I whanau mai ā i whakatupu mai ia ki Rotorua, heoi i hoki mai a Zita ki konei noho ai i te tau 2016, ā, he pārekareka ki a ia te hoki mai ki tōna kainga ki tōna ipukarea, ka waiata, ka hihiko te wairua.

Mēnā kei te pīrangi koe ki te tūtaki ki a Zita tēnā waea mai me te whakarite i tetahi whakaritenga mo te hawhe haora kore utu. Kei a ia ngā wāhi whakarite i te rā e toro atu ai koe, me ētahi hei whakatāpuihanga māu i mua. Tēnā waea mai ki te whakarite hui me Zita.