Mai i te 1 o Mahuru 2022 ka panonihia e mātou ngā tikanga whakahau rongoā me te whakapiki i te utu mo ngā pepa hōtuhi.
E tino ohorere ana ā mātou Kaimahi tūtohu rongoā ki te nui o ngā tuhinga tono, ehara kau tēnei i te mahi toitū i te mahi haumaru hoki, nā tēnā he īnoi tēnei kia āwhina mai koutou ki te whakanahanaha i tēnei hātepe nei.
He īnoi tēnei nā mātou kia 3 ngā rā mahi mo te whakamōhio mai mēnā he tono ā tuhinga āu. Ka noho te utunga ki te $20. I te wā ka torutoru haere ōu rongoā, me waea mai koe ki a mātou ki te tono i tō whakahau rongoā hou. He karere whakamōhio ka tau ki tō wāea pūkoro, he karere rānei ki tō maramataka kia 10 wiki whai atu i tō kohi atu i tō tuhinga tono, ā, he āwhinatanga tēnei ki a mātou kia ea ai tō tono i aua rangi pū e toru.
Ko te patanga o te toru rā, ka whai wā ā mātou tīma tūtohu rongoā ki te arotake i ō pitopito kōrero, i ō rongoā, me te mātai mehemea me uiuitia anō koe e mātou. He wā hoki mā ngā kai tūtohu rongoā ki te arotake me te whakaoti i ā rātou ake tuhinga tūroro, inarā ngā mea kaore e mahi ana i ia rā, i ia rā.
Ko ngā hōtuhi e hiahiatia ana e koe i roto i ngā rangi e toru he āpitihanga utu o te $10 (he utunga o te $30 mo te katoa). Akene pea he tūāhua hurihanga āu tē taea te karo, kei te mārama mātou ki tēnei, i ēnei momo tūāhuatanga kei te kai tūtohu rongoā te mana ki te kōkiri i te utunga, aha atu rānei.
He huhua tonu ngā whakahau rongoā e kore e hoatu i mua i tō uiuinga, ā mēnā e pēnei ana te tūāhua, ka kōrerohia te take nei ki a koe, ā, ka tūtohutia tēnei ki ō pitopito kōrero i te wā o tō tono i te rongoā.
Tēnei te mihi nui ki a koe mo tō āwhina ki te panoni i te tikanga nei kia pai ai te rere o ngā mahi mo tātou katoa.
