Ko tōna tikanga me whakarite he uiuinga mo ngā tāngata āmio whenua, kia pai ai te whakamōhio atu ki a koe ngā rongoā e tika ana māu, mo ngā mahi ka mahia e koe me tō hauora. Ko te kōingo nui kia noho haumaru ai ngā haerenga katoa.
Ko te uiuinga hauora nei ka hoatu ki a koe:
- Ngā mōhiotanga katoa ō mua i tō haerenga, āmuri hoki.
- He kupu āwhina mo ngā rongoā āraimate e tika ana ki te whakahaumaru i a koe me ō haerenga.
- He kōwhiringa ki te whakahaumaru i a koe ki te rongoā araimate ā haere ake nei
- He mataara ki ngā mōreareatanga o ngā rohe whānui o te motu, inarā ki ngā wāhi o te motu e tino tūraru ana
- He kupu āwhina me pēhea te whakatāpu i ngā māuiuitanga nōu e hāereere ana
- Ngā tohutohu me pēhea te whakamahi i ngā whakahau rongoā mo ngā māuiuitanga pēnei me te tikotiko
- He kupu āwhina e pēhea ai te whakaahuru ai i tō haerenga mā te whakamimiti i ngā mauiuitanga hāereere
He 30 mēneti te roanga o ngā whakaritenga hauora ā he $80 te utu. Tēnā whakamōhio atu ki te Kaiwhakatau manuhiri he whakaritenga hauora tāu mo te hāereere noa.
Me mātua mōhio he tāpiritanga utu mō te rongoā āraimate, a, me utu tonu i te wā o tō whakaritenga hauora ki ā mātou. Ka whakapā atu ki a koe he mema o tā mātou tīma i te wā ka tae atu ki te whare tākuta.
E hia kē nei ngā marama kia tino eke ai te kaha o ngā rongoā āraimate, nā tēnā me tika tonu tō haerenga mai ki te matapaki i tō rautaki hāereere.
Tēnā mōhio mai: Kāore e tuku atu he rongoā āraimate mo te mate karawaka Kōwhai, me mātaitia kē koe e tētahi mātanga tākuta mo aua tūmomo rongoā āraimate.
E haere ki ēnei pae tukutuku mo te roanga o ngā kupu tohutohu ā haerenga: