Home » Our team
Tō mātou Tīma
He rōpū kanorau mātou, engari he rōpū piri tahi hoki mātou, ā, he remurere ki ngā mahi rongoā… me ngā kai keke anō hoki.
Alana Jarrett
Alana is originally from Tauranga and graduated from the University of Auckland medical school in 2016. She did three years of hospital based rotations before happily moving into primary care. She is most passionate about women’s health but loves the diversity of other health problems she can help with as a GP.
She looks forward to being able to support patients and their whānau at all ages and stages through their health journey, together with the awesome team at Ranolf Medical Centre.
Athena Corneal
Nēhi whakahau rongoā Rapua mai te whānuitangaAthena Corneal
I tīmata a Athena hei mema o te roopu o Ranolf i te tau 2014, me tana whakauruuru atu ki te Roopu Poka 10. Whai muri i te haratau nēhi ki Waiariki, ka mahi ia ki te hōhipera o Taumarunui, nā wai, ki te hōhipera o Rotorua. Te huhua o ngā wheakoranga rerekē ka tutukihia e ia, tae ana ki ngā mahi poka, te whakatika i ngā kōiwi kua hape, te atawhaitanga o ngā māmā me ngā piripoho, me te wāhanga whāomoomo. Koni atu i te 10 tau a Athena e mahi nēhi ana mo ngā takuta.
Ko tana tino kōingo i roto i ngā mahi tākutatanga he mea i pupū ake i te nui o ngā wāhine iho pūmanawa i whakapuāwai i a ia. Ko te kuia me te whaea a Athena he nēhi i ōna rā, ā, i rata ia ki ngā mahi whakaharatau tākuta kia pai ai tana whakawhanake i āna piringa ki āna kiritaki.
Ben Taylor
Tākuta Rapua mai te whānuitangaBen Taylor
I tupu mai a Ben ki waho atu o Birmingham i Peretānia i mua i tana hūnuku ki Sheffield ki te ako i ngā mahi rongoā. Whai muri i tana whakapōtaetanga i te tau 2011, ka pahure i a ia tana mahi whakaharatau nōna e mahi ana ki rō hōhipera. Kātahi ka timata tana whai atu i te mahi tākuta. Ka mutu ana tērā mahi ki Sheffield, ka hūnuku mai rāua tahi ko tana makau a Lauren (he tākuta anō) ki Aotearoa nei.
Ka tae mai rāua i te tau 2018, ā, tē aro whakamuri ki te wā kāinga, na te rerehua o ngā ngāhere, ngā roto me ngā painga katoa o te wāhi nei. E kaingākau nui ana a Ben ki te eke paihikara me ngā mahi omaoma o te motu pēnei i te oma taumano o Taupō me XTERRAS. I whānau mai tā rāua tamāhine i te tau 2021.
Day | Hours |
---|---|
Monday | 8.30 to 5pm |
Tuesday | - |
Wednesday | 8.30 to 5pm |
Thursday | 8.30 to 5pm |
Friday | 8.30 to 5pm |
Bibiana Hernandez
Tauira Nēhi Rapua mai te whānuitangaBibiana Hernandez
I whānau mai a Bibiana ki Colombia, heoi i tupu ake ia ki Aotearoa nei. Ka noho ia ki Tāmaki-makau-rau mo te roanga o te wā i mua i tana hūnukutanga mai ki Rotorua me tana tamaiti.
Ka pahure i a ia tana Tohu Paetahi o te Nēhitanga i te tau 2020, ā taro ake ka tutuki i a ia te tiwhikete ki ngā mātauranga mātanga o te Nēhi. I te whakapōtaetanga ka wātea ki a ia te mahi ki Te Whatu Ora – Ki te Hōhipera o Ngā Roto Moana ki te tari Gynaecology, i reira whakawhānui ai i te mātauranga ki ngā pūkenga o te tākuta, me te whai wāhi ki ngā mahi manaaki i te tangata i mua i te pokanga ā muri hoki. Nōna e mahi ana ki tētahi hōhipera tuarua ka whakaohoohotia tōna ngākau ki te whai i te tūranga Nēhi tūmatanui, na te awhero nui ki te whakawhanake i te oranga ngākau o te hāpori.
I ōna wā whakatā, e rata ana ki a ia te whai wāhi ki tāhaki o ngā roto i te wā o te Raumati, i te Hōtoke kei ngā ngāwha ia e pāinaina ana, me te manea hoki i te wā ka toro atu ki ngā whare kai o Rotorua.
Caerlie Picken
Mātanga tapuhi, te Kaiwhakahaere Rapua mai te whānuitangaCaerlie Picken
I tīmata mai te mahi a Caerlie ki te whare tākuta o Ranolf i te tau 2014, ā, he nui katoa ōna wheakoranga. I tīmata ai tana whakangūngū tākutatanga i te tau 2005. I mua tata tonu i tana tūranga hei Tauira Nēhi , ka mahi ia ki ngā hōhipera o Waikato me Tauranga, me te mahi hoki ki te hōhipera o Rānana. Waihoki, ka mau e ia he tūranga hautūtanga ki te roopu tākutatanga o Tāmaki Makaurau, ā, ka mahi tahi ia me te Poari Hauora ā rohe ki whakawhanake i ngā ratonga.
He Mātanga tapuhi a Caerlie, ā, ka pahure i a ia te tohu paerua mo ngā mahi nēhi i te tau 2011.
E kaingākautia ana e Caerlie te mahi tahi me te tīma whakangūngū tākutatanga, te tūtaki atu ki ngā ahurea rerekē me te whakawhanake i ngā hononga ki ngā tūroro me ō rātou whānau.
Carina Soeteman
Kaihanga rongoā Rapua mai te whānuitangaCarina Soeteman
Kei te mahi a Carina hei kaituku rongoā ki te tākuta o Ranolf, ā e mahi tahi ana ia me te Whare Hauora o Ranolf hei Kaihautu tuku rongoā. Mā roto mai i ēnei mahi ka taunaki ia i ngā tūroro ki ngā rongoā e tika ana mā rātou, ā, i ōna wā he mahi whakaako i te tūroro e pēhea ai te whakamahi i ngā taputapu rongoā me ngā tohutohu katoa.
I a ia e wātea ana, he mea pārekareka ki a ia te retireti wai ki ngā roto huhua o Rotorua nui a Kahu.
Charlotte Schimanski
Kaihanga rongoā Rapua mai te whānuitangaCharlotte Schimanski
Ko Charlotte te rangatira me te kaiwhakahaere o te whare rongoā o Ranolf, waihoki ka mahi tahi ia me te Whare Hauora o Ranolf hei tākuta tuku rongoā. Me te aha, ka paheko ia ki te mahi tahi me ngā tākuta o Ranolf ki te whakatau i ngā take rongoā kia tarea ai ngā tākuta ki te arotahi ki ngā wāhi e tino hiahiatia ana. I tua atu i tēnā, ka warea kē te hunga tuku rongoā nei ki te whakatikatika i ngā hiahia rongoā o te hunga tūroro.
He pai ki a ia te omaoma i roto i te wao tapu nui a Tāne ki Te Whakarewarewa me te noho tahi ki tōna whānau i ōna wā wātea.
Cherie Smith
Nēhi whakahau rongoā Rapua mai te whānuitangaCherie Smith
I hono mai a Cherie ki tō mātou tīma i te tau 2002, ā, i tamō ia i te mahi ki te whakawhānau tamariki me te noho atu ki Waikato i mua i te hokinga mai.
E manahau ana ia ki te noho pātata atu ki te Ngāhere o Te Whakarewarewa me ngā roto anō hoki. E rata ana ia ki te mahi hamanga noa ā e rika ana ia ki te whakatō māra kai me te kai hauora.
Tēnā koa whakapā mai ki a mātou ki te uiui tahi ki ā mātou Nēhi whakangungu.
Chrissy Merriman
Kaitautoko Pūtea Rapua mai te whānuitangaChrissy Merriman
Ko Chrissy to mātou āpiha Tautoko Pūtea me te Pakihi i te Whare Hauora o Ranolf. He maha ngā wheako mahi a ia mo te manaaki manuhiri ka mutu i whakahaere ia i tōna ake toa kawhe i Whangārei.
Ko ngā tāngata, te taiao, te whakahoahoa me te mahi tahi ki Ranolf e whakangāwari ai te haere mai ki te mahi, ā, kore rawa a Chrissy e manako ana ki te mawehe atu i te Pokapū hauora, ahakoa kua oti i a ia āna mahi kaiako.
Kei te noho tahi ia me tana hoa rangatira me ana kōtiro ataahua e rua, ā, ko tētahi e tino warea ana ki te poiwhana. He hangareka ki a Chrissy kei ana kōtiro te tini o ngā kerēme ACC!
Dane Sorrenson
Tākuta Rapua mai te whānuitangaDane Sorrenson
I whakatipua a Dane i Tauranga i mua i tana neke ki Tamaki Makaurau ki reira ako ai i te haumanu korikori tinana, katahi ka whakamutu ia i tana tohu rongoā.
I hūnuku raua ko tana hoa rangatira ki Rotorua i te tau 2016, ka mutu e tino harikoa ana rāua ko Rotorua hei kāinga mā rāua. I oti i a Dane te maha o ngā momo hurihanga mahi i te hōhipera o Rotorua i roto i ngā tau e whā i mua i tana taunga ki te whakangūngū Whānui hei mahi māna.
I mua he tangata kaingākau ki te tākaro kirikiti, heoi anō kua warea kē a Dane ki tana whānau taiohi me te tirotiro ki ngā hua katoa o tēnei rohe.
Day | Hours |
---|---|
Monday | - |
Tuesday | 8.30 to 5pm |
Wednesday | 8.30 to 5pm |
Thursday | - |
Friday | 8.30 to 5pm |
Esmeralda
Kaiwhakahaere Matua Rapua mai te whānuitangaEsmeralda
I uru atu a Esmeralda ki te kapa Ranolf i te tau 2014 whai muri i te hanumitanga me Roopu Poka 10, ā, i mahi ai ia mo te 10 tau neke atu.
Ka ngata te hiahia i te pukumahi o ōna mahi rongoā, ā, e tino whakapono ana ia ki te kīanga "he rā pukumahi, he ngākau pukumahi, he tinana hauora." He pai ki a Esmeralda te whakahoahoa ki ōna hoa mahi me te whakawhanake i ngā hononga mahi ki ngā tūroro.
E aroha ana a Esmeralda ki tāone o Rotorua, ā e kaingākau ana ia ki te hīkoi ngahere i te rohe me tana kurī a Spunky. Tokotoru ana tamariki pakeke, a kua whakawhiwhia hoki ia ki ngā mokopuna waiwaiā e toru.
Glenn Dunkerley
Kaiwhakahaere Pakihi Rapua mai te whānuitangaGlenn Dunkerley
I hūnuku mai a Glenn me tōna hoa rangatira a Lucy i Piritania, ā, e whā katoa wā rāua tamariki, tokotoru ngā tama me tā rāua tamāhine. Ko te aronga matua ko te noho ki te taha o tōna whānau me ōna mātua i ōna wā. I ngā wā wātea e kaingākau ana ki a ia te noho tahi ki tōna makau a Lucy me te noho hāneanea ki ngā wāhi papai o te whenua.
Hayley Riordan
Kaiwhakahaere Rapua mai te whānuitangaHayley Riordan
I tupu ake a Hayley ki Rotorua. Ka noho ia ki Ahitereiria mahi ai mo tetahi wā, na wai rā ka kanokanoā ia ki tana hāpori o te wā kāinga, ka hoki mai ia ki Rotorua ki tana whānau me ōna hoa anō hoki.
Inā tata nei kuhu atu ai a Hayley ki te akomanga Taumata 2 o te Reo Māori ki Toi Ohomai, ā, e hikaka ana ia ki te noho rūmaki i te reo Māori i a ia e mahi ana ki ngā tūroro me ngā kaimahi.
Ko te whānau te motuhaketanga o tōna ao, ā, e kaingākau ana ia ki te toro atu ki tātahi ki te toro atu ki ōna hoa rānei.
Jemma McDonald
Nēhi whakahau rongoā Rapua mai te whānuitangaJemma McDonald
I uru atu a Jemma ki te Whare tākuta o Ranolf i te tau 2009 hei Tauira Nēhi, whai muri i tana whiwhinga mai i te Whare Takiura o Waiariki.
I tōia mai ia ki ngā mahi nēhi hei tiaki tangata me te whai wāhi ki tētahi tūmomo ratonga e tino hiahiatia ana e te hāpori.
E mihi ana ia mo tana tūranga tuatahi hei nēhi ki tētahi roopu whakamīharo e nanaiore ana ki te kawe i te manaakitanga kounga mō ō rātou tūroro.
I ōna wā okioki ka manahau ia ki ngā hua o te taiao– eke hukarere mai i te takurua, papa retireti mai rānei i te raumati.
Jennifer Brake
Nēhi whakahau rongoā Rapua mai te whānuitangaJennifer Brake
Kua roa te wā a Jennifer e manako ana ki ngā mahi nēhi, nā wai ka tīmata tana whakangūngū i muri tonu mai i te wharekura, nā ka haere ia ki te Whare Takiura o Waiariki.
I tīmata tana mahi hei nēhi hāparapara i te hōhipera o Rotorua, i reira akorangia ai te rahi o te mōhiotanga. Heoi anō, ko te mahi nēhi te mea e kaingākautia ana e ia nā te mea ka taea e ia te whakawhanake i ngā hononga ki ngā tūroro me ō rātou whānau. E tino harikoa ana ia ki te mahi mo te Whare Hauora o Ranolf.
Joanna O’Keefe
Tākuta Rapua mai te whānuitangaJoanna O’Keefe
I puta te ihu a Jo i te Whare Wānanga o Otago i te tau 2002, a, kua whai wheako rongoā ia i konei me tāwāhi e mahi ana i ngā hōhipera, i te mātai mate pukupuku me ngā mahi tākutatanga whānui.
I te tuatahi i wawatahia a Jo kia noho hei takawaenga kāwanatanga, me te aha ka akona e ia ngā reo e toru i te kura, engari i te mutunga kē mai ka whai ia i ngā tapuwae o ōna mātua ā ka noho hei tākuta.
I whanau ia i Rotorua, ā he kaitākuta whānui ia mai i te tau 2008 ā moroki noa nei, ka mutu e rata ana ia ki te āhua noho o tēnei mahi. He manako nui tāna ki ngā mahi whakamāhere whanau.
Day | Hours |
---|---|
Monday | 9 to 4.30pm |
Tuesday | 9 to 4.30pm |
Wednesday | - |
Thursday | 9 to 4.30pm |
Friday | 9 to 1pm |
Josephine Davidson
Kaiwhakatau Manuhiri Rapua mai te whānuitangaJosephine Davidson
Ko te haurua o te oranga o Josephine he noho ki Whakatāne, ko tērā atu haurua ki Rotorua. Kua roa nei ia e mahi ana ki te ahumahi o te manaaki tangata me te aha e rata ana ia ki te tūhonohono atu ki te tangata ahakoa kō wai. I ngā wā wātea kei tōna whānau ia e toro atu ana ki ngā ngohe pārekareka o te wā, ki tahaki rānei hī ika ai me te taka kai mo te whānau.
Kataraina Shuker
Kaiāwhina Hauora Rapua mai te whānuitangaKataraina Shuker
Ko Tarawera te maunga
Ko Puarenga te awa
Ko Te Arawa te waka
Ko Tūhourangi te Iwi
Ko Ngāti Tumatawera te hapu
Ko Apumoana te marae
Ko Kataraina ahau!
Born and raised in Rotorua, Kataraina went to a local Kura Kaupapa before moving to windy Wellington to work as a dental assistant. She has recently moved home to be closer to whānau and is enjoying her time at Ranolf Medical Centre.
Outside of work she enjoys reading, spending time with her whānau, and learning Spanish.
Kath Holmes
Mātanga tapuhi Rapua mai te whānuitangaKath Holmes
He uri au nō Te Arawa me Te Aitanga-a-Mahaki.
Ko te mema hou tēnei ki tō mātou tīma nēhi i Ranolf. whakangungua ai a Kath hei nēhi i Waiariki ki te Tohu paetahi Nēhi i Rotorua nei, kua mōhiotia ināianei ki te Toi Ohomai, ā, i whakaoti hoki i te tohu paerunga tītohu mō te Health Science in Advanced Nursing i te Whare Wānanga o Tāmaki Makaurau i te tau 2018. He tītohu hoki tōna mō te Strategic Leadership, he tītohu mō Te Ara Reo, ā, e ako ana ia i te tohu paerua mō te ara Nurse Practitioner.
Ko tōna kuia kē te take i whāia nei e ia tēnei huarahi te mahi nēhī, ā, he huarahi tēnei e kore rawa ia e whakarere.
E kaingākau ana ia ki tōna āo Māori, ki te hauora, te kounga me ngā ritenga mō te hunga noho i taiwhenua, ā, ki te tautoko hoki i a wai ake e āhei ai rātou tō rātou ake oranga te whakahaere mō ngā taumahatanga ka roa pea te pātanga atu.
hāunga te mahi, e rawe ana hoki ki a ia te hīkoi, te peita, te whutupōro te netipōro me te noho tahi ki tōna whānau me āna mokopuna pīwari e 4.
Laura Roberts
Kaiwhakahaere Rapua mai te whānuitangaLaura Roberts
He nui tā Laura tautoko i ngā tini mahi whakahaere i roto i tē tākutatanga nei. E 19 ōna pakeke ka tīmata tana mahi ki te tākuta o Ranolf hei kaitautoko o te tari. Nā wai rā, ko tōna māia me te kanohi hōmiromiro i kopoua nei ia hei kaimahi pūmau ki te tūranga whakahaere mo te tari. I te mea he whānau tōna ināianei ka mutu tōna mahi i ōna wā ā ka hokihoki mai i ōna wā. Whai muri i te whānautanga o tana tamāhine ka hoki ia ki te mahi hamanga noa hei kaitautoko i ngā kaupapa mahi. Nā wai rā, ka ngahoro i a ia tana mahi i te whānautanga mai o tana tamaiti, heoi anō kua hoki mai ia ki tana mahi hei Roopu whakahaere.
E kaingākautia ana e ia āna mahi taunaki i te whare tākuta nei, waihoki, anō nei ko ngā kaimahi katoa he whānau ki a ia, e aroha nuitia ana e ia.
I whānau mai ā i tupu mai ia ki Rotorua nei, ā, he parekareka te noho o tōna whānau ki Rotorua nei, ina rā he wāhi papai tēnei hei whakatupu i ā rāua tamariki. Ko ngā mahi runaruna he eke paihikaha ki te nehenehe o Te Whakarewarewa, ā, ko ngā wā whānau he hāereere ki ngā whaitua o te tāone te karawhiu, pēnei me te retiwai me te retireti hukarere.
Laura Saunders
Tākuta Rapua mai te whānuitangaLaura Saunders
Kia Ora!
I was born and raised in Rotorua before going to Auckland University to study medicine. I did my training in the BOP and Waikato before ultimately ending up back in Rotorua for my final year of medical school.
I have worked at Rotorua Hospital in many departments for 3 years before taking time off to have my daughter. I’m excited to be working in general practice within the community I grew up in.
When I’m not working, I enjoy spending time with my family, running, gardening and cooking.
Manawa Cox
Kaihanga rongoā Rapua mai te whānuitangaManawa Cox
Kei te mahi a Manawa hei kaituku rongoā ki te tākuta o Ranolf, ā e mahi tahi ana ia me te Whare Hauora o Ranolf hei Kaihautu tuku rongoā. Ma tēnei mahi ka taea e ia te tautoko i ō tātou tūroro me a rātou rongoā ma te mahi tahi me ngā kaitoro ki te arotau i te whakamahinga rongoā - ka huri te aro ki te tuku mātauranga me te whakamahinga o ngā taputapu.
I a ia e wātea ana, he pai ki a ia te eke paihikara maunga, te hīkoi me te noho tahi me ōna hoa, whānau anō hoki.
Michael Grant
Tākuta Rapua mai te whānuitangaMichael Grant
Ko Matawhaura te Maunga
Ko Te Rotoiti I kite-ai-a-Ihenga te roto
Ko Arawa te waka
Ko Ngati Pikiao te iwi
Ko Ngati Tamateatutahi me Ngati Kawiti nga hapu
Ko Tapuaeharuru te marae
Ko Michael Grant toku ingoa
I ako a Michael i te haumanu korikori nōna i Te Wānanga Aronui o Tāmaki Mākaurau, mai i reira ka hūnuku ia ki Waipapa Taumata Rau ki te ako i te rongoā.
Mutu ana ngā akoako ka mahi ia i te hōhipera o Waikato mai i reira ka mahi tākuta parākatihi ia. Kua nui ōna wheakoranga i roto i ngā tau, ko te pīnakitanga ki ēnā wheakoranga ko tāna hūnuku atu (e whā ngā tau ki muri) ki Rotorua kia tata ake ai ki tōna whānau
I waho i te mahi, ko te whānau me te hākinakina ngā pārekarekatanga e kitea ai te kauhanga nui i waenganui i te mahi me te oranga tangata.
Day | Hours |
---|---|
Monday | 8.30 to 5pm |
Tuesday | 8.30 to 5pm |
Wednesday | 8.30 to 5pm |
Thursday | - |
Friday | 8.30 to 5pm |
Mike Newman
Tākuta Rapua mai te whānuitangaMike Newman
Mai anō i te tau 1981 a Mike e mahi ana i Ranolf nei. Nā tōna kaingākau ki te General Practice me tōna hiahia ki te nuku mai i te tāone i whāia nei e ia ēnei mahi. He GP anō hoki tōna hoa wahine, a Leonie Sinclair, ā, i kōwhiria e rāua a Rotorua hei nohoanga mō rāua i te mea o ngā tini mahi pārekareka ō-waho e taea ana, pēnā me te heke māunga mā runga pahikara me te heke māunga hukapapa.
E whakamoemiti nei anō ana ia mō ngā wheakoranga nei i te mea o tōna whai wāhitanga ki te huri i te mahi nei ki te mahi e mahia ana i ēnei rangi nei. He ahakoa e 35 ngā tau ia e mahi ana, kāore tonu hoki ia e mate i te whanowhanoā.
I ngā wā kāore ia e whakatere ana i ngā ara o te ngāhere, i te heke rānei i ngā māunga hukapapa i te takurua, kei te oma, kei te heke ngaru, kei te āmio whenua ia.
Ringi mai ki te Ranolf Medical Centre mēnā kei te hiahiatia he uiuinga ki a Tākuta Mike Newman.
Day | Hours |
---|---|
Tuesday | 8.30 to 5pm |
Wednesday | 8.30 to 1pm |
Thursday | 8.30 to 1pm |
Friday | 8.30 to 5pm |
Nancy Broomer
Tākuta Rapua mai te whānuitangaNancy Broomer
I whānau mai a Nancy i te UK, heoi kua 30 tau ia e noho nei i Āotearoa nei. kua mahi harangotengote nei ia hei GP i Tāmaki me Rotorua mai anō i te tau 1994.
Whai muri i te whānautanga mai o tāna tamaiti tuawhā ka aro kē atu a Nancy ki te mahi i te taha o ngā Wāhine me te Hauora Rangatahi. Nāna te Whare Haumanu Rotorua Contraception i whakahaere mō ngā tau e 16 i a ia e mahi ana hoki i te Rotovegas Youth Health, ā, he whakariterite i ngā whare haumanu GP i roto i ō Rotorua wharekura hoki tētahi o āna mahi.
E koa ana te ngākau a Nancy e whai wāhi mai ana ia ki te tīma nei i te Ranolf Medical Centre, ki reira hoatu ai i tōna wā ki te āwhina i ngā āhuatanga katoa e hāngai ana ki te hauora o te wahine me te hauora anō hoki o te rangatahi.
Natalie Beamish
Kaiāwhina Hauora Rapua mai te whānuitangaNatalie Beamish
E kaingākau ana a Natalie ki tana tūranga mahi hei kaiāwhina hauora ki te tākuta o Ranolf, ā, e rata ana ia ki ngā āhuatanga o te manaakitanga, te mahi tahi ā tīma me ngā tūmomo mahi rerekē o tana tūranga. No mua tonu ia mahi ai ki ngā tākuta i Tāmaki Makaurau me Te Matau a Māui, waihoki he wā anō ka mahi ia ki te hōhipera o Rotorua.
I hūnuku mai ia i Piritania i te tau 2004, ā he mea pārekareka ki a ia te toro atu ki ngā roto me ngā ngāhere o Rotorua. I ngā wā o te tānga manawa kei tōna whānau taha ia e noho ana, e korikori ana me te noho tahi ki tōna kurī.
Rebecca
Kaiwhakahaere Rapua mai te whānuitangaRebecca
E 12 ngā tau a Rebecca e kura māhita ana i ngā kōhanga, mai i reira ka panoni āna mahi, katahi ia ka uru atu ki te rōpū o te Whare Tākuta o Ranolf i te tau 2019.
Rawe ki a ia te tūtakitaki tāngata kāore anō kia tūtaki, waihoki, he rawe ki a ia te ako i ngā mahi hou me te noho pukumahi i roto i āna mahi.
I ngā e wātea ana noho tahi ai ia ki āna tamariki me tōna whānau.
Ros Rowarth
Mātanga tapuhi Rapua mai te whānuitangaRos Rowarth
I uru mai a Ros ki te Whare Tākuta o Ranolf i ngā tau 30 ki muri hei kaiwhakawhānau pēpi, ā, hei nēhi whakangungu anō hoki. I te tau 2016 ka oti i a ia tōna tohu paerua mō te Advanced Clinical Nursing, katahi ia ka mahi hei Mātanga tapuhi.
Kua hau te rongo mō tōna rangatiratanga i roto i te ahumahi nei, ā, kua tini āna mahi mō te hapori me te kāwanatanga anō hoki.
Mai anō a Ros e ngare ana kia tū ai ia hei māmā, hei nēhi anō hoki (e ai hoki ki tēnā whakapaparanga). Nā te mea he tangata manaaki, he tangata tiaki ia i whakaaaro ai ia kia whāia nei te mahi nēhi kia whakarauora anō ia i ngā tāngata kei raro i te kapua pōuri.
Rawe nei ki a Ros te mahi i roto i te taiao e kaha tautokona ana ia, e kaha whakamatua nei hoki i te manaakitanga ki tōna keo.
Ki te kōrero ki tētahi o ngā nēhi o te Whare Tākuta nei o Ranolf, tēnā, whakapā mai ki a mātou.
Rosanna Senior
Nēhi whakahau rongoā Rapua mai te whānuitangaRosanna Senior
2018 te tau i tīmata a Rossana i te Whare Tākuta o Ranolf. Kua tekau tau ia e mahi ana i roto i te ahumahi nei, mai i Horowhenua ki Tāmaki Makaurau, atu ki Ahitereiria me Rotorua hoki. Hāunga te whakangungu Nēhi, i te Hōhipera o Pōneke ia e mahi ana hei ākonga, waihoki, e 6 marama ia e mahi ana i Rānana, i Watford me Ingārangi i a ia e āmio whenua ana.
whakapōtaetia ai a Rosanna ki te tohu paerua i te tau 2015. He nēhi hoatu rongoā ia.
E rekareka nei a Rossana ki āna mahi i te mea he tūtakitaki tangata te mahi, he tautoko i a rātou kia whakatutuki i ō rātou whāinga anō hoki te mahi. He rawe hoki ki a ia te mahinga tākuta i te mea ka tautokona e ia ngā tini pakeketanga me ngā tini pānga hauora.
I ngā wā wātea whai wāhi ai ia ki ngā roto o Rotorua me te heke maunga mā runga pahikara/ara-hīkoi.
tēnā wāea mai ki te Whare Tākuta o Ranolf ki te kōrero mai ki tētahi o ngā kaimahi Nēhi.
Sam
Kaiwhakahaere Rapua mai te whānuitangaSam
E waru tau a Sam e mahi ana i te ao tūruhi me te ao hokohoko, ā, e harikoa ana ia kua whai wāhi mai ia ki te rāngai Ranolf (he huarahi kē atu hei whai māna i te ao hurihuri nei). He tika hoki tōna noho mai, inā rā, e rekareka ana ki a ia te manaaki i te tangata me te noho pukumahi anō hoki.
I whānau mai i tupu mai anō hoki ia i Rotorua nei, ā, kāore e tawhiti i ōna mahara te tāone nei.
I ngā wā kāore ia i te mahi, ka kitea ia e tākaro ana i waho, e whakahoahoa ana ki tōna makau, ki tōna whānau me ōna hoa.
Sharon Lovegrove
Tākuta Rapua mai te whānuitangaSharon Lovegrove
Kua nui atu i te 20 tau a Sharon i roto i te Mahinga Tākuta. I tae mai ia ki Rotorua mō te tau kotahi, ā, kāore anō ia kia wehe. I mahi a Sharon i te Hōhipera o Rotorua mō ētahi tau rurua nei, mai i reira tīmata ai tana whakangungu hei Mahinga Tākuta i Rotorua nei.
Ko tōna aroha nui ki āna tamariki i tō mai i a ia ki ēnei mahi nei. I hiahia kē ia te mahi māhita, heoi i ērā wā rā kāore i nui ngā mahi, nōreira ia i kōwhiri ai i tēnei ahumahi hei mahi māna. Ko te mātaiarotamariki me te hauora wahine tōna aronga matua.
He rawe ki a Sharon te mahi i te Whare Tākuta o Ranolf i te taha o tētahi rāngai manaaki, i tētahi rāngai tino pūkenga.
I waho i te mahi ko ngā roto me ngā ngāhere i te putanga o tōna whare ngā mahi kaingākau ki a ia.
Whakapā mai ki au ki a Tākuta Sharon Lovegrove mā te Whare Tākuta o Ranolf
Day | Hours |
---|---|
Monday | 7.30 to 4pm |
Tuesday | 7.30 to 4pm |
Wednesday | 7.30 to 4pm |
Thursday | 7.30 to 4pm |
Friday | - |
Sharon Miller
Kaiwhakahaere Matua Rapua mai te whānuitangaSharon Miller
Ko Sharon te rangatira o te rāngai whakatau manuhiri i te Whare Tākuta nei o Ranolf. I te mea o tōna wairua ngākau mahana, me ōna wheakoranga i roto i te mahi pēke me te Lakes Primecare i mōhio ai ia me pēhea e ngāwariwari ai te haere o ngā mahi o te rā.
He pārekareka ēnei mahi ki a ia, inā rā, ko te manaaki tangata te matua. Ko te whanaungatanga me te whakangāhau hoki i waenganui i ngā hoa kaimahi i hāneanea ai te noho i koneki.
He "tuahangata" tōna hoarangatira, e toru rawa ā rāua tamariki, ā, e pārekareka ana ki a Sharon te whakaparuparu i ōna ringaringa mā te keri māra me te mahi i ngā mahi i te kāinga.
Sonia Hereni Lewis
Tapuhi Tangata Ora, Tauira Nēhi Rapua mai te whānuitangaSonia Hereni Lewis
He uri tenei no Ngati Kahungunu, no Ngai Tuhoe me Te Arawa
I whakapōtaetia a Sonia i Te Whare Wānanga o Awanuiarangi i Whakatāne ki te Tohu Paetahi mō te Pūtaiao Hauora/Nēhi. He Tohu Paetahi hoki tōna mō te Pūtaiao Pāpori e ako pū ana i ngā Akoako Mātauranga mai i Te Whare Wānanga o Waikato, ā, kua whiwhi hoki ia i te tohu Ngā Manukura o Āpōpō.
Kua roa ia e kaingākau ana ki te Hauora, inā rā te Hauora Matua, waihoki, e whakapono nei ia mā te Hauora Matua e kite ai i te pikinga o te hauora o Aotearoa whānui. Me te whakaheke hoki i ngā ritenga hauora i waenganui i ngā tini momo tāngata.
E kaingākau ana hoki ia ki te hauora o te iwi Māori, ā, ka nui tōna koa e mahi tahi ana ia ki ngā mātauranga o te ahumahi hauora i Ranolf.
Ko tōna whānu, ōna hoa, te kapahaka, te Ao Māori, te āmio whenua me te mātauranga ngā tino mahi pārekareka ki a Sonia.
Hutia te rito o te harakeke, kei hea te komako e ko? Ki mai ki ahau, he aha te mea nui i tenei Ao? Maku e ki atu, he tangata, he tangata, he tangata.
Tom Lindley
Kaiwhakahaere Rapua mai te whānuitangaTom Lindley
Whai muri i ngā tau e 15 e mahi ana i ngā mahi manaakitanga, ka wehe atu a Tom i te ahumahi rā ki te whai wāhi atu ki tētahi mahi rerekē. E whitawhita ana ia ki ngā whakatara kei mua i te aroaro e hāngai ana ki te mahi hauora nei.
I te wā o te raumati, ka kite koe i a ia e tākaro kirikiti ana ki te tātāwhainga ā rohe mo ngā pakihi.
Ko te hākoke haere me te āmio whenua ētehi o ngā mahi a Tom me tōna hoa rangatira, inarā hoki, kātahi anō rāua kia mārena. Ko te toro atu ki tāhaki rānei ki te roto rānei ētahi o ngā mahi e kaingākautia ana e ia. Kua mātau ia ki te taka kai ā e hiamo ana ia ki te whakahoahoa atu ki ngā kaimahi hou me ngā āheinga o te mahi haoura nei.
Trish Park
Kaiwhakahaere Rapua mai te whānuitangaTrish Park
Ko Trish tētahi o ā mātou Kaiwhakatau manuhiri me tana kaha ki te whakatau i ngā manuhiri o te tākuta o Ranolf. Ko te kounga o te āhua tāna e whai ai i ia rā, i ia rā. Kua mātau hoki ia ki te whakararata atu ki te manuhiri, nā tēnā kua manea kē te noho o ngā tūroro me ngā kaimahi o te wāhi nei. I waho atu i te mahi, e ngākaunui ana a Trish ki te toro atu ki tōna whānau me te mahi māra hoki.
Tyson Ball
Tākuta Rapua mai te whānuitangaTyson Ball
Ko Maouo tōku maunga
Ko tauranga tōku moana
Ko Te Whānau a tauwhao tōku hapū
Ko Ngāi Te Rangi tōku iwi
Ko Otawhiwhi tōku marae
No Bowentown Ahau
Kei Rotorua tōku kainga inaianei
Ko Tyson Eruera Ball tōku ingoa
I tupu ake au ki tō mātou ipukarea ki Bowentown āhua pātata atu ki te marae. I konā ka hūnuku ahau ki Kirikiriroa mo te kura, i reira tūtaki ai ki tētahi tangata i whāki mai i tētahi āheitanga papai rawa. I whakatenatenahia au kia haere ki te whare wānanga whai muri i te wharanga o taku whatinga raparapa i te tākaro whutupōro rīki.
I taku wehenga atu ki te Whare wānanga o Ōtepoti, ka toko ake te whakaaro ki te ako i te rongoā, ki te whakakore hoki i te hurihanga kikino o te whānau, ka mutu ki te whakahihiko i aku tāina ki te whai i te pae tawhiti.
I te mea he tākuta Maori ahau na te whakaaweawe o tētahi i te papa hākinakina, e kaingākau ana ahau ki te hautū i tēnei kaupapa whakamua. E kaingākau nui ana ahau ki te whakawhanaketanga o te rangatahi me ngā tini āheinga ki a rātou. Ma te noho hei tākuta Māori ka tarea e au te tuku āwhina ki te hunga mātātahi o te hāpori ki ngā āhuatanga e tika ana i tēnei ao.
Katahi anō māua ko taku makau kia hūnuku mai ki Rotorua nei i te timatanga o te tau 2022, ka mutu ko te manako ka manea tā māua noho mai. I aku wā watea ka kite koe i ahau e whara ana i te ngana ki te purei rīki, i muri rānei i te kāmera ki te hopu whakaahua o taku whānau me oku hoa.
Zita O’Neill
Rautaki Rīanga Hauora Rapua mai te whānuitangaZita O’Neill
Neke atu i te 25 tau a Zita e mahi ana hei nēhi, inarā hoki, ki ngā mahi whakahaumanu hinengaro, ā, e mahi ana hoki ia ki te Whare Hauora o Ranolf hei Mātanga whanake hauora. Ko tēnei mahi he tuku āwhina ki ngā kōnekeneketanga o te whanonga o te tangata, kia pai ake ai te hauora me te oranga. Kei roto i ngā reanga katoa me ngā take hauora.
Kua roa kē ngā tau a Zita e mahi ana ki tēnei tūranga i tana orokohanga mai i Rotorua i te marama o Hune 2020. He tangata ngākau a Zita, ā, e harikoa ana ia ki te whakarongo me te aronui ki ngā tūroro e noho nonoke ana.
I whanau mai ā i whakatupu mai ia ki Rotorua, heoi i hoki mai a Zita ki konei noho ai i te tau 2016, ā, he pārekareka ki a ia te hoki mai ki tōna kainga ki tōna ipukarea, ka waiata, ka hihiko te wairua.
Mēnā kei te pīrangi koe ki te tūtaki ki a Zita tēnā waea mai me te whakarite i tetahi whakaritenga mo te hawhe haora kore utu. Kei a ia ngā wāhi whakarite i te rā e toro atu ai koe, me ētahi hei whakatāpuihanga māu i mua. Tēnā waea mai ki te whakarite hui me Zita.