Mātirotiro toto
āta mātirotiro ō toto nōu i te kāinga i roto i te 24 hāora. mā tēnei e mōhio ai mātou te āhuatanga o ō toto. I ētahi wā kāore e tika te mātai. Mēnā kei runga noa atu tō inenga toto kāore e pai, ka pā pea koe ki ngā raruraru whēkau, raruraru manawa, me te roro ikura anō hoki. Me tika te mātai i ō toto kia mōhio ai mātou ki ngā hiahiatanga mō tō tinana.
Hauora piropiro
He āhua iti te mate pukupuku piropiro o koneki tēnā i wāhi kē atu. mā ngā mātirotiro hou nei e āhei ai te kite i te tika i te hē rānei o ngā piropiro. Me mahara kau atu ki te nui o ngā āhuatanga e hē ai ngā piropiro. me āta mātiro i ngā piropiro kia kauaka koe e pā ki te mate pukupuku ā-piropiro.
mātai manawa
ko te mātai manawa he mātai i te āhua ki tō manawa mēnā e pātata atu ana koe ki tērā mate, tērā māuiuitanga. Mā te whakamātau i ō toto e kite ai he aha te aha. He pai noa ake te haukoti tēnā i te whakamāui.
ārai hapū
He uaua i ētahi wā te whiriwhiri i te āraitanga hapū e tika ana. mā mātou koe e āwhina kia kōwhiri ko tēhea te mea e tika ana māhau.
whakamātau hauora rukuruku
E rikarika ana kia whiwhi i te tiwhikete ruku moana? mā mātou te whakamātautau hauora e whakamātau.
patunga rōwhare
He āwangawanga mō tō hoa moetahi mō tētahi patunga rānei? tēnā koa kōrero mai ki a mātou. http://areyouok.org.nz/.
Whakamātau hauora mō te taraiwa
Mā mātou e whakamātau mēnā rānei e tika ana te tangata kia taraiwa i te rori, mā mātou hoki te tiwhikete e whakaatu atu ai i te whakaaetanga.
whakamātau taru me te waipiro
E āwangawanga ana ki tō hoa, ki tētahi patunga rānei? tēnā kōrero mai ki a mātou, toro atu rānei ki te whārangi ipurangi. http://areyouok.org.nz/.
pūngoto taringa
Kei a mātou ngā tino hangarau hirahira mō te ngote i ngā paruparu i ō taringa. He pai noa ake tēnei i te whakamahi syringe (ka kino ake ō taringa).
Hapūtanga taumata tuatahi
Mā mātou e kōrerorero mō tō whakawhānau, mō ētahi atu mātaitanga, me ngā āhuatanga tika hei whai māu mō ngā wiki 12 tuatahi o tō whakawhānau.
ECG
E taea ana e mātou te ECG te kawe i te taiwhanga pokapoka tinana. He whakamātau ngāwari tēnei e kitea ai e mātou mēnā he raruraru o te tinana o te manawa o te aha o te aha, inā rā te hunga he teitei te inenga toto.
Te whakamātau i te hapūtanga
E kitea nuitia ana te āwanagawanga mō te whakawhānau. Mēnā ko koe tēnei, haria mai he hoa kia kōrero ai i ngā pāinga mōhou.
Pūwero ārai mate rewharewha
mā mātou ngā pūwero mate rewharewha e mahi. Māu e toro mai ki a mātou, mā mātou rānei e toro ki a koe, e rua e pai ana. mā mātou te āraitanga e hoatu hei pāinga mō te katoa
Whakamātau i te rongo
ānei te whakamātau rongorongo e kite ai i te kaha o te rongo o te taringa.
Toronga ki te kāinga
mēnā kāore e taea te torotoro, te toro ā-hangarau rānei. ka taea e mātou kotou te mātorotoro i te takiwa nei o Rotorua.
Whare haumanu whakamoemoe
He tini ngā rongoā kei a mātou e hāngai ana ki ngā tini māuiuitanga pēnei i te Ferinject, Aclasta me ngā rongoā mō ētahi kē atu māuiuitanga.
whakamātau taiwhanga māuiuitanga
e taea ana e mātou te whakamātau toto mai i te 08:00 ki te 16:00 mane ki te paraire. I te nuinga o te wā he tere ake tēnei tēnā i te toro ki te whare whakamātau. waea mai ki te whare kia whakariterite he wā toronga.
rongoā motuhake
kei a mātou hoki ngā rongoā e hāngai ana ki tō wāhi mahi me ō reira mahinga.
hauora hinengaro
Kei koneki ko te aungāwari ki te pātai mō te tautoko – me te āwhina i ngā tini tautokotanga.
mahi poka iti kau noa
e taea ana e mātou ngā kiri pukupuku, ngā kiri mamae me ngā māuiuitanga kiri te poko.
mātiro rahoraho
Mā te kōrerorero whanaungatanga ki a mātou mō te repe iti nei e ora ake anō ai koe.
hauora o te uma
kōrero mai mēnā he āwangawanga ōu, he hekenga rānei o te mate pukupuku uma, he hiahia rānei ki te mammogram kore utu.
Whakamātau i te taha onioni
mēnā he raruraru āu mō te taha onioni, mō ngā ārai hapū rānei, mō ētahi kē atu raruraru, mā mātou e tautoko.
Whare haumanu mō te kiri
E taea ana e mātou te whakamātau i ō kiri mō te mate pukupuku. He tini hoki ngā rongoā hei āwhina i a koe ki te whawhai i ēnei mate.
Whakamātau moe
mēnā he āwangawanga mō te taha moe ki a koe, ki tō hoa rangatira rānei, tirohia ēnei pitopito pātai. ā, toro mai ō ringa. mā mātou e mātai e tiro mēnā he hapa moe ōu.
Whakamātau pani ā raro
mā te kaha ki te whakamātau i te mate puku o raro e pai ake ai tō haukoti i te mate nei. E taea ana e mātou te āta mātiro kia kite ai he aha te aha, me aha te aha anō hoki.
Spirometry
he whakamātau i ngā pūkahukahu tēnei. He āta mātiro ki ngā māuiuitanga asthma, COPD me ētahi mamaetanga o te hā kē atu.
Pūwero whakanui maihara
Kei roto i ēnei pūwero te rongoā mō ētahi maemaetanga me te whakatikatika hoki i ngā nekehanga ā-pona ā-kokiwhiti, ā-kirikiri anō hoki.
Kupu tautoko rongoā hāereere me ngā āhuatanga pūwero
Mahara ana ki te haerere? kei te toro ki whenua kē atu? toro mai ō ringa. kei a mātou ngā pūwero, me ngā rongoā e tika ana. ētahi pūwero me auau te mahi i roto i ngā marama, nōreira kia kakama te toro mai.
pūwero ārai mate mā ngā tamariki
he tini ā mātou pūwero mō āu tamariki.
matikara kāore e tika te tupu
Me he matikara ōu e kōtiti ana te tupu, e tupu hapa ana rānei, e taea ana e mātou tērā te whakatika.
wāhi mahi me ngā āhuatanga ki te ACC
Ko mātou hei kanomi mō ACC me ngā kamupene insurance kia āta mātirotiro i ngā wāhi mahi me te āwhina i te hunga tūroro kia hoki ai rātou ki te mahi.
Cryotherapy
Mā te wai hauota e whakapaipai i ngā momo māuiuitanga o te kiri me ngā māuiuitanga i pāngia atu e te rā.
Ngā māuiuitanga motuhake
Me he mamaetanga kino tāu whakapā mai, ringi mai ki te whare poka tinana, mā ō mātou tākuta koe e whakapā atu ki te kōrerorero. Mā mātou hoki ētahi rongoā ētahi rautaki whakarauora rānei e hoatu.
Tiaki tamariki
he uiuitanga i koneki mō ētahi tikanga whakatika i te hauora o ō tamariki
I waho o ngā hāora mahi
Ko ō mātou tākuta ka tautoko i te Lakes Primecare i muri i ngā hāora mahi. ki te ringi mai koe ki te whare poka tinana, ka ahu atu tō uiuitanga ki te Lakes Primecare. Mō ngā taipitopito hauora ringi hoki ki 0800 611 116
Te hoahoa kōkiri atawhai
Me koe e ahu ana ki te rua, ka pēheatia koe e manaakitia nei e mātou? He tini ngā wā koinei te tino uiuitanga e kore e āta kōrerotia! ēngari mā mātou e tautoko, toro mai ō ringa.
Ratonga
Ka whakaratohia e mātou te whānuitanga o ngā ratonga hauora kia āhei ai koe me tō whānau ki te rongo i ngā kupu tohutouhu mai i ngā mātanga hauora i te wā e tōmina ana - ā hangarau rānei, ā kanohi rānei, i te kāinga rānei.
Ki te whakatūturu i tō uru atu ki ngā tohutohu hauora ā whitawhita nei, he nui
ngā kōwhiringa kō wai koe ka kite, e pēhea ai koe e kite, ā, āhea tō kite i te tākuta. Kimihia ētahi atu kōrero ki konei.
Kua wātea ki a koe te whakamahi i ngā tātari o raro iho nei ki te mātai i ā mātou ratonga mahi.