Ka tika me whai ngā kaimahi tākuta i ngā ture me ngā mātāpono katoa mo te taraiwa motukā kia noho haumaru ai koe otirā ngā tāngata e taraiwa waka ana i ngā rori.
Ko ngā mahi o te Kaiwhakahaere Waka o Aotearoa he tuku i ētahi mātāpono taraiwa waka hei ārahi i ngā tākuta ki te aromatawai i ō pūkenga taraiwa waka me ngā take hauora kei a koe.
He mea papatoiake te aromatawai mai i te tari, heoi, ko tā mātou he whai i ngā mātāpono kua whakaritea mai rā anō kia pai ai tō mātou tūtohu i ngā tāngata e hiahia āwhina ana.
He aha ngā mahi?
Tēnā me tuku kia 45-60 meneti te roa mo te aromatawai.
I te tuatahi ka kite koe i tētahi Kaiāwhina tākuta ā māna e
- Mātai i ō whatu
- Whakamātau i te kaha o ngā toto
- Whakamātau i ngā pūkenga whakamaumahara - kauaka e ohorere! Ehara tēnei i te whakamātautau e eke ai koe e hē ai koe rānei, heoi he whakamātautau noa tēnei ki te whakamōhio atu ki tō tākuta mēnā me nui ake ngā aromatawai māu. (Pēnā ki te whakamātautau taraiwa waka mā te rori matua, tirohia ki raro nei)
Kātahi ka kite koe i tō Tākuta, ā māna e
- Arotake i tō hītori hauora me ngā rongoā ā mohoa noa nei
- Pātai atu mehemea he take āu hei whakapōrearea i tō taraiwa
- Whakaoti i tētahi whakamātautau ā tinana
Mehemea kāore tō kitenga e eke ki te taumata e tika ana, ka tonoa koe ki tētahi uiuinga me te Tākuta matanga karu kia pai ai tana aromatawai i a koe.
I ōna wā me nui atu te aromatawai – nā te nui pea o ngā hapa ā tinana, ā hinengaro. Ka tonoa koe ki tētahi whakamātautau taraiwa rori ki tō AA taha rānei, ka whakamātauria rānei koe ki te aromatawai me tētahi tākuta Haumanu ngangahau.
Mēnā he pātai āu tēnā tukuna atu ki tō Tākuta.
